القائمة الرئيسية

الصفحات

آخر الدروس [LastPost]

قرارات العام الدراسي الجديد 2023 والامتحانات الشهرية لجميع المراحل ابتدائي واعدادي وثانوي

قرارات العام الدراسي 👇

من رياض الأطفال إلى 3 ابتدائي مفيش امتحانات مفيش واجبات منزلية.

للطفل في رابعة وخامسة ابتدائي امتحان في منهج الشهر الأول عليه 15 درجة + امتحان في الشهر التاني عليه 15 درجة + امتحان في نص السنة عليه 30 درجة + مهام أدائية عليها 35 درجة + 5 درجات للمواظبة يساوي 100 درجة دي نتيجة الطالب في الترم الأول وزيها بالظبط في الترم التاني.

نتيجة الطالب في رابعة وخامسة بدون درجات هتكون بالألوان كالتالي : اللون الأزرق من (85 درجة إلى 100) واللون الأخضر (من 65 لأقل 85) واللون الأصفر (50 لأقل 65) اللون الأحمر من (1 لأقل من 50) ويشترط لنجاح الطالب الحصول على 30% على الأقل من درجات امتحان الفصل الدراسي الثاني في كل مادة من المواد.

علشان ينجح الطالب في الصف الرابع أو الصف الخامس لازم ياخد في كل المواد يا أصفر يا أزرق يا أخضر أما لو جاب اللون الأحمر في مادة يبقى ساقط فيها ولازم يدخل دور تاني ولو جاب في الدور التاني أحمر برضة هيعيد السنة.

امتحانات الطلاب في 6 ابتدائي وأولى اعدادي وتانية اعدادي وأولى ثانوي وتانية ثانوي هتكون كالتالي :- 

امتحان في نهاية شهر 10 وامتحان في نهاية شهر 11 هيكون على كل امتحان 10 درجات والإمتحان هيكون من منهج نفس الشهر والعشر درجات دول هينضافوا لدرجات الطالب في امتحان نص السنة.

امتحانات نصف السنة هتكون من منهج الترم الأول كله يعني مش معنى إن الطالب امتحن في شهر 10 أو شهر 11 إنه خلاص مش هيجي منهم حاجة في الإمتحان لأ الطالب هيمتحن في 10 و11 ونفس المنهج هيمتحن فيه في نهاية الترم.

وبكده هيحصل الآتي : الصف السادس الإبتدائي والأول الإعدادي والثاني الإعدادي والأول الثانوي والثاني الثانوي مجموع الطالب في كل الصفوف دي هيكون كالتالي : -

5 درجات سلوك (هيحطهم المعلمين في الفصل) + 5 درجات حضور (هتحطهم إدارة المدرسة بناء على حضور أو غياب الطالب) + 10 درجات عن الإمتحان الشهري + درجات الامتحان في كل مادة بنهاية الترم ومجموع كل دول هيكون نتيجة الطالب في الترم الأول ونفس الكلام في الترم التاني.

بالنسبة للشهادة الإعدادية مفيش أي تغيير فيها.

علي موقعكم درس رياضة امتحانات متوقعة للامتحانات الشهرية وامتحانات نصف العام لن يخرح منها الامتحان وكمان علي قناتكم المفضلة اكتب علي اليوتيوب يلا نفهم اسلام شاكر وهتلاقي امتحانات ومراجعات متوقعه في كل المواد من خلال الضغط علي اللون الازرق السابق او من خلال قوائم التشغيل لمرحتلك اضغط هنا للوصول الي قوائم التشغيل

نسيت حاجة مهمة.. بالنسبة لامتحانات أولى وتانية ثانوي، هتكون: كلها على التابلت، والامتحانات هتكون على مستوى الإدارة التعليمية، واللي هيحط الامتحانات موجه المادة في الإدارة (مش المدرسة)، أما امتحانات الشهر بتاعت أولى وتانية ثانوي فهي هتكون قصيرة وبسيطة وكام سؤال كده مش امتحان امتحان يعني.. كام سؤال وخلاص.. ولو الطالب جاب 7 من 10 في أول شهر، وجاب 9 من 10 في تاني شهر، فهو هياخد التسعة مش السبعة، لأن الطالب هياخد الدرجة الأعلى في الامتحانين.


= بالنسبة بقى لشهادة الثانوية العامة (3 ثانوي عام)، دي محتاجة شرح شوية:


= الأسئلة هتكون (85% اختيار من متعدد + 15% أسئلة مقالية قصيرة).. الطالب هيجاوب أسئلة الاختيار من متعدد في البابل شيت زي كل سنة، وهيكون فيه ورقتين في الآخر كده يجاوب فيهم على الأسئلة المقالية.


= تصحيح أسئلة الاختيار من متعدد هيكون إلكتروني (بس التصحيح مش هيكون في مكان واحد زي ما كان بيحصل كل سنة، ده هيكون فيه مراكز تصحيح إلكتروني في المحافظات، وده هيكون من خلال أجهزة إلكترونية موجودة في كل مركز تصحيح).


= بالنسبة بقى للأسئلة المقالية، فهي هتصحح برضو إلكتروني، إزاي بقى؟.. إجابات كل طالب هتروح لاتنين معلمين متخصصين في المادة.. هتروح لهم على التابلت، وكل واحد يصحح الأسئلة ويدي درجة للطالب، لو المعلم الأول قال الطالب ده يستحق 5 درجات على الأسئلة المقالية، والمعلم التاني قال برضو الطالب يستحق 5 درجات (يعني الاتنين اتفقوا) يبقى خلاص الطالب ياخد الخمس درجات.. لكن لو معلم فيهم قال الطالب يستحق 5 درجات والتاني قال الطالب يستحق 7 درجات (يعني اختلفوا).. هنا الإجابة هتروح لمعلم تالت يفصل بينهم، ويا يقول الطالب يستحق خمس درجات، يا يقول الطالب يستحق سبع درجات.. وهو اللي هيحدد الطالب ياخد كام في الأسئلة المقالية للمادة دي، وهكذا هيحصل في باقي المواد.


= طب بالنسبة للتظلمات في الثانوية العامة؟.. لما النتيجة تظهر والطالب يتظلم على النتيجة، هيروح يستلم ورقة أسئلته اللي عليها اسمه، وورقة إجابته اللي عليها اسمه، ونموذج الإجابة اللي اتصحح منه.


= هيكون فيه تدريبات للطالب على شكل الأسئلة الجديدة، إما عن طريق التابلت (يعني هيكون فيه منصة يدخل عليها الطالب يشوف النماذج التدريبية)، أو يدخل على موقع الوزارة يشوف النماذج التدريبية.. والطالب هيدخل الامتحانات بمجلدات المفاهيم (ودي هيكون فيها ملخص المنهج في كل مادة).

= الوزارة قبل نهاية نص السنة، هتعلن للطلبة، مواصفات كل امتحان لكل مادة.. يعني العربي 50 سؤال منهم مثلا يعني 40 أسئلة اختيار من متعدد و10 أسئلة مقالية، وهكذا في كل المواد.. وهتعلن عن مخرجات التعلم في كل مادة الطالب يذاكرها ويدخل بيها الامتحان، يعني الامتحان هيكون معروف هيجي ازاي وعدد أسئلته، ومنين بالظبط.

= عذرا للإطالة.. أتمنى أكون قدرت أشرح اللي هيحصل بالظبط مع كل الصفوف الدراسية

reaction:

تعليقات

تابع قناة درس رياضة على التيلجرام 👇👇👇


موضوعات تهمك: